Tamang sagot sa dapat na tanong…

 

12272671_10203562235814752_501800862_n
Dubai, United Arab Emirates

 

Hindi ko alam kung bakit?
Hindi ko alam kung saan?
Kung paano ko nga ba sisimulan.
Kung nuon pa lang, alam kong wala din naman patutunguhan.

Paano ko nga ba gagawin? kung wala namang basehan.
Paano nga ba ko tatagal,
kung wala namang pundasyong sakin ay gagabay.
Saan nga ba manggagaling ang tulong,
Kung sarado naman ang mga daan.

Ewan ko, nakaklito no?
Dahil kahit anung gawin kong paaran
Hinding hindi mo rin maiintindihan,
Masasaktan lang ako, ikaw, tayo.

Wala namang katapusan ang lahat ng ito,
Paulit ulit ko lang iisipin at itatanto
Hanggang sa matigilan ako’t matulala,
At sa hangin maiwanang nakanganga.

Nakakalito, nakakabobo,
Nakakatanga, nakakawindang,
Sana hindi na lang ako isinilang sa mundo,
Sana maglaho na lang ako…

Sabagay…

Paano ko nga ba makukuha ang tamang sagot?
Kung hindi ko alam kung ano ang dapat na tanong…
Walang tanong sa sagot
Walang rin sagot sa tanong.

Advertisements

Paulit ulit na lang…

Siganui Sup 2012
Siganui Sup 2012

Wala namang madali sa mundo. Kahit naman nakasanayan mo ng gawin ang isang bagay, mapapagod ka pa din at mahihirapan. Kahit san lupalop ka man magtungo at manirahan. Kahit sino pa man ang makilala at makasama mo sa buhay. At kahit anu pa mang pagbabago ang gawin mo para lang sumaya ka. Ang buhay mo ay paulit ulit lang. Rorolyo sa mga senaryo at eksenang; Pag gising mo sa umaga, maliligo, kakain, magtratrabaho o papasok sa eskwelahan, makikisalamuha sa ibat ibang uri ng tao, tatawa, iiyak, masasaktan at uuwi ka para kumain, mahiga at matulog. At bukas iisipin na, panibagong araw man ang dumating, pare-parehas lang…

Totoo, walang perpektong buhay. Dahil kung meron man hindi dito sa mundo mo makikita yun, kundi sa langit. Ke mayaman ka man o mahirap. Kahit nabibili mo pa ang lahat ng bagay sa mundo, hindi ka pa din makukuntento. Palagi pa ring may kulang. Andyan yung palipat lipat ka ng lugar. Papalit palit ng mga kaibigan. Papalit palit din ng syota, sinosyota, asawa o inaasawa. At kung minsan pa nga pati relihiyon kung sansan ka na umanib. Pero may nangyari ba? naging masaya ka ba? may nabago ba? WALA.

Siguro nga ganito talaga ang mekanismo ng buhay ng tao. Palaging may kulang. Kasi nga naman kung kuntento at kumpleto ka na, anu pa nga bang saysay at kulay ng pag lagi mo sa mundong to di ba? Matitigil lang naman ang lahat ng hirap natin kapag wala na tayo. Baka ganun lang din dahilan ng maylikha. Baka nga… Baka lang…

Ewan ko at malay natin. Di ko alam at alam kong hindi mo rin alam. Sabi nga, kakambal ng saya ang lungkot, ng tawa ang paghagulhol, ng tagumpay ang kabiguan, at ng buhay ang kamatayan.

Kaya’t ako eto;

Mag isa, kakalipat lang ng trabaho. Walang relihiyon (pero naniniwala pa din ako sa Maykapal). Walang masyadong kaibigan at tanging kasama sa ngayon ay isang bote ng JD and chicha na doritos. Steady lang. Kahit alam ko na kinabukasan, pag gising ko,

“Oo, Panibagong araw na naman ang haharapin, at mauulit at mauulit lang uli. Ang nakaraan sa kasalukuyan at kasalukuyan sa kinabukasan.”

Ang buhay natin ay nagsisimula sa isang “Hi!” at nagtatapos sa salitang “Bye!”

11650952_10202905921247298_1012001421_n
Kish Island, Iran (June 2015)

Nagsisimula ang lahat sa isang”Hi!”
At nagtatapos sa salitang “BYE”

Hindi natin hawak ang mga mangyayari
Hindi rin natin kayang pahintuin ang bawat sandali
Hindi natin mapipigilan ang mga pagbabago 
Dahil hindi naman tatsulok ang hugis ng mundo kundi bilog.
Hindi natin kontrol ang bugso ng bawat damdamin
Kung minsan bigla na lang tayong bibigay at mabubuwal hanggang ang lahat ay mawalan ng saysay’
Hindi dahil sa mga sakit o pagod na binibigay sayo ng mga taong nasa paligid mo,
Kundi ang paulit ulit na lang na nangyayari sa buhay mo.
Hindi naman masamang maging masaya
Kung ang mga tao sa paligid mo ay masaya din gaya mo.
Pero kung lahat sila ay nanlamig na,
Siguro kailangan mo na din magparaya.
Hindi naman pang telenovela o pelikula ang buhay natin.
Walang mga bigating punch line na binibitawan
Dahil hindi naman tayo si Nora na superstar
Na sa kabila ng lahat ng kanyang hirap at sakripisyo, sa huli, may happy ending.
Simple lang naman ang buhay ng tao sa mundo,
At hindi nating pwedeng piliin ang mga taong dumarating sa buhay natin.
Di mo alam kung hanggang kelan sila mananatili sayong tabi.
Maaaring ngayon nag ha-hi ka sa kanya, pero baka bukas mag-bye ka na.
Siguro nga hindi natin alam
Dahil lahat naman ng bagay ay walang kasiguraduhan
Iisa lang naman ang malinaw,
Tumatakbo ang oras, panahon din ma’y lumilipas.
Masaya man o Malungkot
May happy ending man o walang forever,
Ang buhay natin ay magsisimula pa din sa isang “Hi!”
At magtatapos sa salitang “BYE!”